美國國會上月底立例禁止銀行和信用卡公司處理涉及網上博彩的金錢交收，令不少賭徒不滿。究竟新法例能否有效杜絕網上賭博呢？
在《MSNBC》網站，網友BlueDog說，網上禁賭就好似「禁止颶風吹襲美國」，同埋禁止超速駕駛一樣，好難㩒得往。他願意以1賠2的賠率打賭新法例不易杜絕網上賭風。
mmhk訴說新法例帶來不便：「我鍾意喺網上賭博，因為注碼相對較低；新法例生效後，我可能要去拉斯維加斯先可以玩番鋪，到時嘅賭本會高好多。」
網友buckey1964亦有同感，他說：「新法例侵犯公民自由，所以我哋應打倒共和黨，唔好畀佢哋喺中期選舉中勝出！」
亦有人提出陰謀論。網民SeniorinMa稱：「有啲政客早前肯定收過利益，先至會支持立例禁賭。」BlueDog說：「嗰啲投票反對網上博彩嘅人，可能係驚網上賭博會搶去佢哋嘅賭業生意。」
網友Stewart_Street說：「博彩網站可能冇作出大量政治捐獻，搞到被封殺。當年克林頓做美國總統期間，微軟因為向政界捐錢時太孤寒，結果搞到畀政府控告壟斷市場。」BlueDog稱：「如果政府諗到辦法向博彩網站徵稅，網上博彩好快就會變成合法！」