帶領基爾禾在01年升上甲組嘅有料教練廸尼利，重返球會後首仗，就幫球隊一掃4連敗嘅頹風，作客1:1賽和羅馬。無可否認，基爾禾整體實力已大不如前，加上季初遇上地獄賽程，先後對過拉素、國米及巴勒莫等強隊，輸波亦無話好說。
佢哋唔單只未贏過，入球能力仲好差，7場有3仗食白果。雖則係新官上任，但預料短期內，未必可起死回生。好在對手AC米蘭近況都係麻麻，前晚先喺主場輸兩粒畀巴勒莫，已經連續4場聯賽未贏過。贏唔到波嘅主因係前鋒鬧入球荒，除開「咧」贏拉素，恩沙基同奧利華拉各建一功，及後6場都係靠中後防球員入波，當中仲有3場係交白卷！以近年嘅AC嚟講，都算係低潮。好彩近12次對住基爾禾，都攞到6勝4和2負，但勝出率得5成，略嫌唔夠穩陣。兩隊腳頭麻麻，呢場揀個入球細較為上算。
巴勒莫攻強博入球大
巴勒莫一舉擊敗AC米蘭後，已重登榜首。佢哋季初有個特色，就係攻強守弱，7戰攻入16球失12球，仲試過兩次主場開出「主其他」。墨西拿近期嘅防守力出現問題，近4場已失8球，平均每場失兩球；作客大上大落嘅巴勒莫，揀入球大好正路啩！
阿鵬
有線球彩台主持
電郵：[email protected]
PHONE波熱線：1831678