論到意大利第一「萬人迷」，相信都冇人敢同「羅馬王子」托廸爭逐，而呢名型男周日聯賽「開齋」，兼為球隊主場喺基爾禾身上拎番1分，盡顯「英雄」本色，之但係都逃不過美人關！
今次《體育網聞》介紹嘅短片，屬於家長指引類別，兼且喜歡托廸嘅球迷就唔好入去睇，免得心傷；呢段名為《TottiScherziaparte》嘅短片，長約10分鐘，成場戲就係睇住托廸點樣畀一個天使面孔、魔鬼身材嘅索女挑逗。片段中，托廸同前隊友廸比亞治奧和柏魯茲喺餐廳用膳，點知食食吓突然走咗個着吊帶加短裙嘅火辣女侍應出嚟（有啲似日本三仔格局）。
以為飛來艷福
隨後，婀娜多姿嘅女侍應就不斷喺托廸身邊周圍轉，並用曲線玲瓏嘅身體多次擺出引人遐思嘅pose，又唔知點解無啦啦爬梯打掃，令短裙仔春光乍露；時趴低時擒高，仲隔住衫除低個bra嚟起勢咁fling……末段，托廸啲朋友藉機離開，女侍應就坐喺張飯枱上面雙腿微分……還是留符待看君欣賞吧！
網民紛紛對托廸行為嗤之以鼻，stavrulioral說：「佢唔係結咗婚㗎？」bukune謂：「大家睇吓托廸最後個樣幾尷尬？」托廸中計，怪只怪佢以為自己真係「萬人迷」。