車人合一：<br>$10,000,000特訓女生　出動Formula3試車胎

車人合一：
$10,000,000特訓女生　出動Formula3試車胎

傳說米芝蓮（Michelin）有條Form可以令部車唔見咗條「SpareTyre」，咁神奇？滿腦子是疑問的我，趁上星期日佢哋在馬來西亞吉隆坡賽車場有個MichelinPilot體驗，當然舉腳爭住去，到達後遇上好多亞洲區的傳媒，當中不乏同我志趣相投的女兒家。吓?試車胎竟然用Formula3?因為米芝蓮將賽車車胎的科技，搬到街車車胎上，所以這次試胎，要着住套賽車衫，大汗叠細汗，屈在Formula3的狹窄車廂，燃燒全身卡路里來駕駛，人都咁辛苦，車胎一定面臨更大考驗，這種最貴的減肥兼試車胎，無$10,000,000（港幣喎），你都唔使諗。
記者、攝影：陸伊琳

■千萬特訓試胎，將勤補拙。

■Grace話食完再玩過，減肥唔理得咁多啦。

■唔係去打劫，只係戴上頭套及頭盔去揸車啫。

■上車前要進行身體檢查。

■我同Grace追緊寶馬。

■我哋好似車手一樣，有RacingGirl幫我擋太陽。

花千萬馬拉奢華試胎

試Michelin車胎要出動Formula3，千萬的花費已是低估了，因為在場起碼有四部Formula3、四部保時捷GT3、多部BMW及平治跑車參與這個活動。大會亦提供車手及教練指導大家如何駕駛Formula3，亦有專業人士講解一級、三級方程式所用的輪胎與普通車胎的分別和基本知識。
有機會近距離接觸Formula3是難得的機會，更何況可以坐上去，如車手般在賽道上飛馳，如我這些普通人，真係可能一生人只有一次。儘管我最怕棍波，都硬着頭皮去學，去試!

■想像不到眼前過千萬的靚車，一個小時後就可以坐上去，真係好心急。

■一入大門，兩位朋友見到兩架平治SLK55，好心急要同型車合照。

車身有我個名，真賽車咁，我出發喇。

■車胎人宣傳緊最新嘅多功能防爆胎車胎。

揸Formula3易過揸波子GT3

大會將我哋30人分為4組，我同組亦有一個女仔Grace，她來自新加坡，一講起車我哋開始興腭，再講埋可能可以減到肥，就更加雀躍。Grace一向都係揸開棍波車，所以她不太擔心，而我就擔心極了!
大會安排十分完善及安全，我們首先上了個Formula3雞精班，有架「死車」讓我們練習一番，架車外貌十分怪相，好似八爪魚一樣，車頭有幾條長長的鬚爪，原來是作抽風之用。教練表示不用擔心，只是開始及停車時需要用到個離合器，入波時就好似+/-波一樣，我一試死火，第二次試就搞掂，果然比棍波跑車更易，怪不得大會只安排我們坐保時捷GT3，有得坐無得揸!