在《Uwants討論區》及《香港討論區》均有網民唱好海油化學（3983）及金界（3918）。好友Tcl-skyt力撐海油化學，「有多餘資金不妨再追貨，呢隻係百年難遇嘅好股，兩年後股價一定上6蚊。」
海油化學食正國策
原始人就話「海油化學係中國最大肥料商，亦係全國最大新興能源甲醇生產商，更有母公司中海油『照住』，『食正』國策農業概念，希望12月見4.2元。」外星人慨歎太早放，「喺2.8價位放咗，候股價回落再入貨，奈何未曾低過！」
至於金界支持者Pinglau笑住話「好在沽建行（939）入金界，原來金界係開金庫，入面放咗一大堆黃金。」wpmpeter及tony101010則提醒散戶，現時金界炒味極濃，未入而想入者要考慮清楚，現時追貨似買大細（金界在柬埔寨獨家經營賭場）。