雖然近排已愈嚟愈少解鎖日本機抵港，但係網上侃侃而談嘅人依然咁多咁熱鬧，就好似前幾日，就有一班Blog友喺網上大談Softbank最新手機705P嘅解鎖可行性。
查實網友已經Post咗部份手機解鎖用嘅相片出嚟，仲教埋大家點玩，先後已有好多人陸續測試，不過最後解鎖成功嘅機會仍然好微，所以喺呢幾日連續出Post問嘅人仲係咁多，而且有啲網友講講吓仲拎埋另一部Samsung705SC出嚟研究㖭！其實仲有冇針對日系機解鎖嘅必要，真係不得而知，但係好明顯極多Blog友對日系機嘅情意結仲未解開，有人更離譜到就算未用得到，都一於買咗先算！究竟係日本機嘅外形同功能太過吸引，抑或係本港賣緊嘅款式太難接受呢？答案就要靠大家去諗喇！
記者：陳國輝
http://www.ima-mobile.com