祖雲達斯射手廸比亞路仲差1球就射入第200球，點知呢個重要入球遲遲唔來，搞到佢神經緊張影響表現。呢位隊長已經連續4場聯賽冇入波，仲曾經躁到因此被換出，同教練廸甘斯面阻阻，好彩廸甘斯都好諒解冇怪責到佢。求大俠知道先前舒夫真高睇完心理醫生後就入番波，睇嚟廸比亞路都應該搵人開解吓先得喇！