許懷欣爆老竇4月再開騷

許懷欣噚日去商台宣傳新歌《禪》，佢話首歌係講人生一啲唔開心嘅事，仲分享四年前婆婆病故嘅親身經歷，佢話：「當日我哋成家都陪住婆婆，見佢突然間呼一啖氣就離開咗。呢個係我人生中第一次有個咁close嘅人過身，所以我好珍惜每日見到daddy媽咪嘅機會。」雖然忙於籌備新碟，但歌神老竇許冠傑出年4月又開個唱，許懷欣話到時都會幫手，認真孝順。