日本女星竹內結子產後復出接拍嘅新片《乘坐Sidecar的犬》，已經喺日前煞科。故事以80年代為背景，竹內喺戲中破格飾演情婦，仲有吸煙鏡頭。為咗部戲，竹內電咗個80年代流行嘅大鬈髮，早前拍攝同大婆打交嘅場面時，仲竟然以頭槌撞人。拍完嗰場戲之後，竹內都忍唔住大嗌女人打起交上嚟真係好恐怖㗎！