呢幾日同公司嘅飛車手德哥傾開偈，佢話上禮拜有單新聞，話有個「車神」租咗部辣車法拉利飆車，點知揸唔掂鏟入行人路，成部車撞到散晒，好彩人就冇事。
德哥突然好鬼嚴肅話，超級跑車唔係有錢就揸得，真係要有咁上下技術，先舞得佢掂。佢仲好謙話：「我手車都好辣，但都唔敢貿貿然揸呢啲怪獸。」(p-_-q)
啱啱攞咗英國蓮花跑車代理嘅富利堡老闆黃毅力，噚日就好鬼死緊張打電話搵我，話見到嗰單新聞都嚇咗一跳，即刻搵咗英國連續贏得六項錦標冠軍嘅車手MarkFullalove，今晚6點係宋皇臺嘅香港飛行總會，同啲蓮花準車主開個「提升駕駛蓮花技術講座」，呢個禮拜五更加拉大隊到珠海國際賽車場實踐。
佢仲話，見到部法拉利撞到散晒好心翳，今次賣大包，只要有興趣嘅朋友，唔使買車都可以上嚟聽講座，名額60個，可致電25880668搵張小姐留位，先到先得。o(^_^)
逢周一至周四刊出