甄妮下月將會喺紅館舉行個唱，近日佢積極備戰，日前就接受咗商台《舊日的足跡》訪問。提到後輩謝霆鋒同張栢芝秘密結婚令到拉姑狄波拉好勞氣，甄妮話：「霆鋒已經過咗21歲，如果自己覺得好開心，做家長唔使太介懷，Deborah（狄波拉洋名）唔使咁嬲，你諗吓自己以前，都係咁樣過㗎！你點解唔將佢嘅喜悅變做自己嘅喜悅呢？」
