「街霸」從來畀人印象都麻麻，又金毛又煲煙，唔好話sell唔到客仔、開唔到單，兼且嚴重影衰埋間公司。 為咗改變大家對「街霸」嘅負面睇法，電訊橋王王維基搞搞新意思，幫旗下香港寬頻班同事換新look，改頭換面，由以前反領T恤＋長褲，男嘅變成淺藍色恤衫＋黑西褲＋黑皮鞋；女嘅就恤衫＋西裙，兼夾大家唔准將個頭染到鬼五馬六！老王話，咁樣會畀到啲客清新同專業嘅感覺……計華華話，着到成個學生咁款，直頭有初戀feel！
