華華喺上個禮拜收到玖龍紙業（2689）上市後首份年報嘅實物，表面睇嚟冇乜特別，但係一打開就發現，佢用咗重350克、自家製造嘅「玖龍牌塗布灰底白板紙」做封面同封底，並用咗重126克、無論睇落同摸落都勁有無印良品feel嘅「玖龍牌優質牛卡紙」做目錄嗰頁。
據聞，提出用自家製紙品嚟做年報封面同目錄嘅人，原來就係玖龍董事長、即係𠵱家祖國頭號有錢人張茵！
佢話，年報係公司同投資者溝通嘅渠道，要畀投資者知道公司財務資料之餘，仲要畀佢哋知道，玖龍嘅紙有幾好。聽講話就係因為咁，玖龍年報成本較普通年報貴啲。
華華覺得，可能就係因為呢份認真同執着，令到張女士可以由一名女工一躍成為中國「紙品女王」，亦令到她一躍成為中國首富，厲害，厲害。