旺角人流多，特別多色魔！黑點之一是旺角中心，一名男子逢星期六出擊，積極進行胸襲，連商場內的店東都認得此人。黑點之二是朗豪坊，「一條麻甩佬」撞完女士後，講句對唔住就走。女士們避免受害，請提高警覺！
女網民「hazel」某周末與朋友在旺角中心shopping，發現一名男子刻意用身體觸碰身旁女士的胸部，但被胸襲的女士似乎並不為意。據她在BeautyExchange的留言說，商場內一位女店東都認得這色魔：「原來，老闆娘觀察了很久，發現有一名中國籍男子，每逢星期六就會去旺角中心某個範圍積極進行胸襲。」
旺角中心人流眾多，乘機非禮的個案不一而足。網友「雞C」就曾經受害：「我有次去，有個人摸我，係mk（旺角）中心。我拍佢話，『你做咩呀？』點知佢唔理我走咗去！」
眼觀四方防遇襲
發生在旺角區商場的非禮案特別多，網友「nickyxo」近日也懷疑在朗豪坊中招：「條麻甩佬打橫撞埋來，我掛住望側邊啲舖頭，唔知佢係咪專登撞埋來。我睥住佢，佢好似身有屎咁，即刻大大聲咁講『對唔住，唔好意思！』」
女士們遇上這些情況，有時真的很無奈。「哈密貓」說：「其實唔只啲商場、lift（電梯）、小巴、巴士都成日有呢個問題。我都試過幾次有人揩到我個pat（臀部），可惜苦無證據，又唔可以100%話人係有心揩到我。」網民「妹頭」則提出一個避過色魔的方法：「話俾大家知，有時行街時要四圍望下，因為啲變態佬見你行得急又頭望地下，佢地會向呢啲人落手㗎。所以眼睛要四圍望下，見到啲樣衰衰嗰啲，要小心啲。」