駭人聽聞的殺父宣言發表於前周三，不久後被網民轉貼到各大討論區，引發連串批判。大多網民都不認同女孩（Rachel）的言行，有網民稱：「佢好幼稚，好難想像佢同身邊啲人咁相處，𠵱家好多青少年心智未成熟，造成好多社會悲劇。」
但城市大學應用社會學系犯罪學課程主任黃成榮說：「我唔覺得好出奇，亦都唔會怪呢個細蚊女。大家諗吓，𠵱家嘅細路身處喺一個點樣嘅環境？好多𡃁仔都喺暴力家庭長大，一張白紙，點解會變黑？」他相信，Rachel的父母未有做好身教的責任，以致女兒未大先壞。
應找信賴的人傾訴
黃成榮說，殺父宣言引申出一個極嚴重的社會問題：「被虐者長大之後，將會成為施虐者，悲劇會惡性循環。我唔擔心佢爸爸，而係擔心個細蚊女大個之後會變成點。」
防止虐待兒童協會總幹事雷張慎佳表示，小朋友的成長最易受父母影響，今次的個案，12歲的網主正受到其父親傷害，難免會出現負面情緒。她認為，有關個案應小心處理，並鼓勵該少女主動找可信賴的人傾訴。聖基道兒童院資源發展總監曾淑英相信，該名少女不會將弒父的言論付諸行動，但要小心其他心智未成熟的網友看到有關言論後，會否受到影響。
本報記者