大學生即是大學生，頭腦零舍精靈，連去公立醫院急症室，也被他想到一條「特快通道」。網友在理想空間論壇公開「表揚」一名中大生日前因發燒往急症室求診，眼見人山人海有排等，人急智生，索性回家打999召白車，結果被他成功插隊。
網友「chowie」稱：「今日喺醫院見到個中大生好勁，條友發燒去排急症室，排咗一個鐘，見等好耐，就走返家。過咗一陣，佢坐白車返來。大家係咪以為佢出咗事呢？錯晒！其實條友返屋企同父母講，等咗好耐都冇得睇醫生。佢哋就叫㗎白車，車佢個仔返來再睇，同時阿媽仲要同救護員講『我係護士嚟㗎。』」
網友「火爆肥妹」批評「都唔知話佢醒，定係話佢浪費公帑好。」其實以往都發生過類似情形，公立醫院似乎沒有方法杜絕這類蠱惑急症病人。