【記者蔡元貴報道】中一小女孩Rachel剛滿12歲，但她的生日並不快樂，因為父母沒有為她慶祝，她要自己買生日蛋糕，一個人吹蠟燭。生日不久，更因為「寸親」爸爸而遭毒打。Rachel把憤恨於網誌（blog）發洩，還揚言要父親「不得好死」、「死無全屍」，網誌被轉載到多個互聯網討論區，成為熱話。
寫blog為發洩對現實不滿
Rachel的網誌內，有一篇日記這樣寫的：「噚日，我就俾阿爸打！打到我損手爛腳喎！（佢）唔夠人寸又打人喎！咪由佢俾我寸到眼停停！打到我超多個傷口囉！佢戇㗎！跟住我勁叫佢入青山囉！諗起都笑死！不過我唔會就咁算㗎！我要佢不得好死、死無全屍、死唔眼閉、死無葬身之地，要將佢五馬分屍，碎屍萬段、將佢鞭屍……仲未夠呀！要我講……大把呀！」
Rachel的每篇日記，都是一個半熟少年的心迹。Rachel在本月初的一篇日記中提到：「噚日係我的生日呀！不過有種好無奈嘅感覺囉！」她那天一個人乘巴士，從將軍澳去上水，與朋友一起慶祝自己的12歲生日，晚上才回家：「返到屋企就九點幾啦！一返到去就俾人鬧喎！食屎啦！我生日呀！鬧我！……佢哋鬧完我，我先食蛋糕咋。仲要係得我自己一個喎！超！好×巴閉咩，仲要我攞埋件蛋糕你食喎！食屎啦！」
生日的九天之後，就被父親打了。本報記者昨晚致電Rachel，她說，為了表達個人情緒及發洩對現實的不滿，升中前就開始寫blog。Rachel還向記者憶述被父親毒打的經過：「嗰時佢打完我，都想殺咗佢！不過都係想吓，唔會真係做﹗嗰次我駁佢嘴，講粗口鬧佢，佢又用粗口鬧番我，之後佢就用櫈車我，打到我隻手瘀咗﹗」
「自己睇睇吓都覺恐怖」
Rachel說，許多朋友在其網誌看到其傷痕照後，都說太恐怖了，「連我自己睇睇吓都覺得恐怖，我遲啲都會刪咗佢。」自言與父親關係不佳的她，甚至連父親的職業也不知道，但她說：「不過我知佢有做嘢，我會問佢攞錢使。有時佢都對我幾好，熱嘅時候都會將把風扇吹向我。」電話裏的她，儍儍的笑說，不擔心爸爸會看到這篇熱爆網絡的殺父宣言：「佢都唔識上網，唔驚佢睇到！」
