自從今年8月參觀過深圳車展，見到一部又一部有抄襲外國車廠出品之嫌嘅國產汽車之後，已經覺得心灰意冷，成日諗我哋祖國人口多兼且地大物博，各大車廠大可推出自家設計的出品，中外合資的也可製作外資公司的出品，但點解到家陣都係要左抄右抄呢？
喺《香港討論區》中，網友sorlo_cc開咗一個名為「國產電動假smart」嘅Topic，內容轉載國內網頁嘅消息，指一間山東火雲電動車有限公司的電動車生產商，推出了一款叫做城市精靈電動汽車嘅車款，外觀跟smartfortwo完全一樣，只係車廂設計變得簡單，兼且改埋做電力驅動而已，並話明由於國內仍未有法例准許呢類車喺路上行走，故未能售予國內用家咁話。但網友們見到之後紛紛回覆。例如chihang_1999話：「嘩，超過90%似smart喎！」，而yckong更話：「哇，似到咁，中國果然真係老抄嘅一哥！」
講真，國內成日話要有自己嘅工業，好似汽車咁，但同時又有好多產品係翻版，甚至係將外國幾家車廠的出品，組合埋一齊就當係自家嘅新車款，咁又點會有真正屬於自己國家嘅產品呢！
記者：鄭達基
討論網址： http://www9.discuss.com.hk/viewthread.php?tid=2572247&extra=page%3D4