張豪龍（右）噚日同張崇基（左）去咗西貢參加滑水比賽，佢話自己冇乜信心贏，皆因現場有好多高手，豪龍玩滑水又成日比賽，幾乎變成職業選手，佢話嚟緊仲要去新加坡同澳洲作賽，之後再返香港滑過。本來講滑水好哋哋，點知一講到佢家姐張栢芝，佢就唔係幾好老脾，佢話不嬲家姐冇睇佢滑水，有記者猛話見過栢芝捧佢場，佢死都話冇，講講吓仲返上車唔睬人，睇嚟豪龍真係好憎講栢芝喎。