姊妹情深，大、小S（徐熙媛徐熙娣）一齊出道，成日有影皆雙，直到小S有咗生埋，兩姊妹就冇同台亮相過。小S產後收身成功，前晚以苗條身材拖住家姐大S，一齊喺台北出席「2006ELLEStyleAwards風格人物大賞」，蔣怡同林熙蕾都係嘉賓之一，大S少不免被追問男友周渝民打算求婚呢單嘢。
食菜博第二胎
大S話男友未求婚，又話唔係因為自己唔想嫁，而係徐媽媽話今年唔可以結婚，而且仲觀察緊呢個男仔係咪適合做佢女婿，點知小S一句說話就踢爆家姐，佢話：「我媽只會觀察麻將桌好不好！」搞到大S尷尬儍笑。小S就話𠵱家努力做人，好想生第二胎，所以開始多食蔬菜調養身體喎，乜想生仔食菜得㗎咩？
