那惹人討厭的煙灰缸，見證了一對父子20年來的戒煙抗爭史，煙灰缸最後被主人拋棄，淪為網上拍賣品。可憐出價不過百元，依然無人看得上眼。只能怪主人不夠hardsell，對煙灰缸諸多批評，注定一世無用的悲劇收場。
網友「troytroy1995」兩父子都是煙民，又要吸煙，又想戒煙；買了一個戒煙煙灰缸，但又嫌它煩便沒有用，索性把它賣掉。「troytroy1995」日前在eBay拍賣一個真人發聲戒煙煙灰缸，據他介紹，煙灰缸會發聲：「聽到嗰把好煩嘅男人聲──咳…Nosmoking…咳咳。」
拍賣冇人吼
底價99元的煙灰缸結果冇人吼，歸根究柢，就是「troytroy1995」太過老實，狂踩貨品：「20年前買畀老竇戒煙，但把聲太煩，老竇唔願用，我便一直收起。過後20年輪到我戒煙，個煙灰缸把男人聲一樣咁煩，我都係冇用佢就放咗入飾櫃。今日戒煙成功，唔係靠佢，放在家中冇意思，所以割愛。」
戒煙煙灰缸為台灣貨，需要入電，致命傷可能是那一把很煩的男聲。如果換上一把超級女聲，可能很搶手，但能否達到戒煙效果就難以預料。拍賣限期昨日結束，零出價收場，賣家被迫收回。