蘇玉華同馬浚偉噚日一齊喺深水埗出席「熱戀天然好生活」活動,提到無綫下月台慶,盛傳胡杏兒同佘詩曼爭女主角獎爭到頭崩額裂,阿蘇就話:「總之有提名就已經唔差。希望今年嘅賽果有驚喜。」又有傳話年資高應該得獎,阿蘇話:「係?唔知喎!陳志雲講㗎?咁好多人都應該攞,余慕蓮都有。」 馬浚偉就話冇聽過全台杯葛阿佘嘅傳聞,至於有傳阿佘為獎巴結高層,馬浚偉話:「個個都會定期同高層食飯,公司都會了解吓我哋嘅情況,𠵱家嘅傳聞真係對佢哋好唔公平。」