【本報訊】「八折、七折……一折？」為期兩天的第三屆灣仔書節昨日揭幕，吸引兩岸三地數十家書店及出版商在銅鑼灣沿街擺檔，途人可免費參觀和瀏覽，部份書籍以低至一折價錢出售之餘，還額外送贈20元現金購書券，令本已人頭湧湧的東角道、百德新街及白沙道行人專用區更擠得水洩不通，部份「愛書人」三本五本地「大手掃貨」，滿載而歸。 記者:蔡志郁
全場最「墟冚」的是位於東角道轉入駱克道的綠欣親子書店檔口，書店助理總經理胡家忠昨晚說：「我哋有啲書十幾蚊坡紙（新加坡元）一本，折合港幣六、七十蚊，我哋呢度賣10蚊，又例如《NIGHTTIMETALES》精裝本，原價超過100蚊，𠵱家亦都係賣10蚊。」他又說，英文故事書由原價20幾至100元以上都有，無計過幾多折，一律賣10元。由中午一時開檔到夜晚，未停過手，單是下午四時許食過一個包！截至昨日傍晚，該檔口已賣出約1,000本書。
多年輕人買炒股書籍
另一邊廂，位處白沙道的天窗出版社檔口亦吸引大批途人駐足。天窗出版社行政總裁李偉榮說：「年輕人都係買財經炒股書籍居多，原本我諗住喺呢度啲人淨係行街，唔會諗住好似去逛書展咁帶埋袋買書，估唔到咁多人睇，多人睇就自然多人買，總之比想像中多咗好多驚喜。」
現場所見，不同類型的書籍檔攤吸引不同的「捧場客」，為人父母者多在教科書或補充練習的檔口為子女張羅合適的書本，少年男女則喜歡流連漫畫攤檔。不過，也有途人不耐煩地批評說：「嚟嚟去去又咪係嗰啲書，平得幾多吖！」