韓國男星金楨勳應韓國觀光公社邀請，去咗台北出席「戀戀韓冬雪」活動。噚日嘅活動雖然以冬日韓國為主題，但一身西裝嘅金楨勳敵唔過台北炎熱天氣，幫fans簽咗10個名後就離場。聽講落空嘅fans不但冇發嬲，反而擔心佢會中暑㖭。金楨勳果然真係同《宮》劇入面扮演嘅二王子一樣，弱不禁風但又萬千寵愛在一身，真係羨慕死哈利仔。