雲集年輕男女的大學生宿舍經常春光無邊，但風光並非女生宿舍獨好，男生宿舍也隨時有驚喜。網友MacDugDug在香港討論區留言，提醒兄弟在宿舍內要小心不要「走光」。事緣他前日中午做運動後身水身汗，趁空檔回宿舍沐浴更衣，他見房內無人，「諗住一陣沖完涼先返房換衫，所以只係帶條毛巾入沖涼房囉，沖完涼，條褲都濕咗，咪淨係着條內褲返房換衫囉。」
即衝入房 女生嘩然
MacDugDug稱住在純男生宿舍，只穿內褲好平常，但「行行吓，都仲未到自己間房，突然見到同樓宿生帶咗女朋友上嚟！我即刻是但衝咗入去一間房。」他說正以為閂埋門避一避可鬆一口氣時，更尷尬的事才發生，「點知擰轉身，見到兩個女同學同個同樓宿友一齊坐喺房內，兩個女仔『嘩』咗出聲，面都紅埋。」在女同學面前出醜，「我嗰刻都唔知去邊度搵窿捐，勁尷尬！」
網友指這「𤓓」事肯定令MacDugDug畢生難忘，又笑言可說是另類艷遇，日後要改穿名牌內褲否則難登大雅之堂。