成龍風流全港皆知，而龍之子房祖名，雖然有阿媽林鳳嬌嚴厲管教，但始終體內有老竇嘅DNA，梗遺傳到成龍嘅特質，所以祖名入行兩年，已經先後同薛凱琪、謝婷婷、鍾欣桐、楊淇、戴佩妮同梁靜茹等女星傳緋聞，份緋聞list近乎拍得住陳冠希。
爛蒲有前科
23歲嘅祖名血氣方剛，當然鍾意去蒲去玩。前日凌晨一點幾，祖名一拖二蒲中環老蘭Volar夜店，曾經講過「我對夜蒲冇乜興趣」嘅佢，其實係識途老馬，帶頭走到Volar門口，跟住佢嘅兩位女伴都係長髮、身形細細粒、打扮斯文，不過佢哋就有多少避忌，同祖名保持一、兩個身位距離。
當時睇場職員一眼認出祖名，即刻放佢同女伴入場，之後佢哋就匿喺店內嘅陰暗位密密斟，不過祖名都醒㗎，警覺性好高，成晚周圍望，又喺店內行來行去，驚死俾人發現。
其實祖名曾經多次被拍得夜蒲明星熱點包括Volar、Dragon-i同喜喜會等，又鍾意半夜去跑馬地2ROOMS餐廳歎雪茄，同埋揸住佢架三菱街霸戰車四圍片，關仁覺得年輕人貪玩冇問題，之不過作為公眾人物，成日講一套做一套，就唔係咁好囉。
採訪、攝影：娛樂突發組
