為期八日嘅第19屆東京國際電影節噚日揭幕，由陳冠希同李璨琛主演嘅《狗咬狗》成為唯一入圍競賽嘅港產片，不過喺噚日六本木山舉行嘅開幕禮上，就未見港星蹤影，反而一眾日星同韓星就畀足面盛裝到場。
由金像導演奇連伊士活（ClintEastwood）執導嘅新片《戰火旗跡》（FlagsofourFathers）被選為電影節「特別招待電影」，演出日版《來自硫磺島的信》嘅尊尼組合「嵐」成員二宮和也同男星加瀨亮等都有現身紅地毯造勢。另外，韓國新人王李準基喺紅地毯上就有fans尖叫，非常搶鏡。日本男星松田龍平、阿部寬、女星澤尻繪里香、中谷美紀、黑谷友香同鈴木京香等都有出席，同場更舉行花生騷助興。
採訪、攝影：森林檎
