「禁室培慾」一案的男主角許冠泰，日前在接受記者訪問時顯得步步為營，他拒絕透露至今是否仍然深愛蕭詠瑜，但似乎仍為這段歷時6年的感情最終以坐牢來終結感到耿耿於懷。「法律上我已經承擔咗責任，𠵱家講乜嘢都冇用啦，可以改變到事實咩？」他表示，過去6年與女友的感情很穩定，對方更自稱是初戀。「佢（女友）係咁同我講㗎，不過唔知真定假，佢太多大話。」許冠泰不忿地說。
自我保護意識很強
「之前報紙講嘅由頭到尾都冇問過我㗎啦，做乜𠵱家走嚟問我啫。你哋話我失業咪失業囉，有精神病咪精神病囉。如果我真係有病，當時就唔會畀我擔保啦。佢（女事主）有病多過似我有病。」許冠泰在電話中不斷埋怨傳媒報道不實，並謂：「你要問就問佢（女事主）啦，如果佢肯出嚟講嘅我咪出嚟囉。」
記者從連續數日與他的對話中發現，許是一名「醒目仔」，警惕性及自我保護意識很強，他曾揶揄女記者：「你係唔係新入行㗎？你啲口脗都唔似其他記者咁專業嘅？」對於為何要禁錮女友，及襲擊對方時，他打了個譬喻：「所有人都淨係話我打咗佢兩拳，但有冇人講當時個情況其實係佢拎住把刀呀？」
許冠泰一直不承認當日禁錮女友，「嗰時（與女事主同住其祖母家時）日日同佢落街買餸、煲湯畀阿嫲飲。又同佢一齊行年宵，我哋仲問過警察邊度係入口㖭！如果有問題，佢嗰陣時可以大嗌，警察實救到佢𠺝。」他更表示，曾叫女友致電回家報平安，但遭她拒絕。
但當記者反問女事主的傷勢如何解釋，他說：「啲人淨係關心佢嘅傷勢，有冇人問過我有冇傷呀？我見到佢咁多傷痕我都心痛㗎。」
滿口冤屈避談真相
記者表示既然他滿口冤屈，何不出來澄清？他只推說事情已過，說甚麼也沒有用，而事實的真相，就是女友當日寫給法庭的求情信，所以記者可以去問對方。近日，記者就事主家人指摘他不斷作出電話滋擾，欲向他查問時，發覺已無法再與他聯絡上。
本報記者