呢一代年輕人鍾意聽歌唱K，當中唔少原來對懷舊金曲都好有認識，小童群益會最近搞咗個「我最喜愛中國歌曲」選舉，由3,000幾個中、小學生選出心中至愛，排第一位嘅《龍的傳人》陪伴唔少人成長，可以話係實至名歸，至於排二位就更加令人振奮，之唔係國歌《義勇軍進行曲》囉。
八方睇過10大名單，發覺只係得劉德華嗰首《中國人》係比較近期嘅作品，可以反映近年啲創作人唔係好鍾意作啲關於中國國情嘅歌曲。負責分析調查嘅理工大學區志堅博士分析話，其實透過歌曲進行國情教育係最有效嘅方法，唔知曾特首會唔會聽話，搵多啲名填詞人作多幾首愛國歌曲，即使達唔到宣傳作用，當係同北京交心都好啦。