呢個星期日真係幸福，有兩場國家打吡，先有英超嘅曼聯對利物浦，夜少少就有皇家馬德里對巴塞隆拿。4支球隊周中經過歐冠盃之戰後，都將矛頭指向今仗。
尤其是紅魔曼聯，在聯賽連贏兩仗後，又再重上爭冠之途，更反壓車路士登上榜首，今仗絕不希望失分，俾車仔爬番轉頭。曼聯今仗面對利物浦於主場出戰，更加信心十足，尤其是近期冇波入嘅朗尼仔，上仗初戴隊長臂章，成個人精神晒！
反之利物浦今季給外界的印象，是較為重視歐冠盃而看輕聯賽，話就話今仗出番神奇隊長謝拉特，但相信只係力保不敗就算；論盤路利物浦絕非可靠之選，還是捧曼聯較穩陣；但大戰當前，個人預計會是1球上落，可大膽博讓球主客和「和局」。
平手盤捧皇馬
另一場西班牙打吡，由皇馬主場對巴塞，皇馬剛於歐冠盃大勝而回，一洗被基達菲打破聯賽不敗身的頹風，魯爾持續有態，預料繼續與雲佬前線攻堅，後衞簡拿華路打得番，後防信心都好啲。
巴塞剛作客不敵車路士，士氣受損，雖然巴塞上季有作客大炒皇馬的紀錄，今季聯賽作客保持全勝，但只係畢爾包、桑坦德之流，並唔算強；前鋒伊度奧受傷缺陣始終有影響，今仗開出平手盤，宜捧皇馬。
謝利
立博亞洲區首席博彩顧問
電郵：[email protected]