陳冠希（Edison）𠝹女無數，自從被本報踢爆他與楊受成姪女、楊超成女兒Vincy拍拖後，從未正式公開戀情的他前晚竟一反常態，直認女方的正印地位，連未來外父楊超成昨日出席活動時也表態支持兩人拍拖，不過前緋聞女友之一、2R成員Rosanne則拒絕恭喜舊情人，只回應道：「阿彌陀佛」。
陳冠希前晚出席公開活動時破天荒直認拍拖，肯定東華三院前主席楊超成女兒、現年18歲的Vincy正印女友地位，難免令曾與他玩地下情的舊愛酸溜溜。曾與Edison傳緋聞的2R成員Rosanne，昨日以所演角色尼姑儀琳的形象在銅鑼灣出席舞台劇《笑傲江湖》記者會，對於Edison承認新戀情，Rosanne不願多談，更指自己現時是出家人，不適合談感情事。
「其實我有好多男友」
問到會否祝福Edison？Rosanne只說：「阿彌陀佛，我幫佢祈禱。」反而胞妹Race就為家姐抱不平說：「恭喜佢囉，好囉，咁幸福。」語氣頗為不滿，Rosanne即急急澄清說：「嗱！我冇講㗎。」談到最近有報道指她與化妝師AlvinGoh拍拖，Rosanne只謂：「你話係就係，唔好蝕底，其實我有好多男友，有化妝師、髮型師啦。」暗示自己不愁沒人追求，似有向Edison示威之意。
另一邊廂，楊超成昨日到東莞市出席「歡樂滿東華觀瀾湖慈善高爾夫球大賽」，談到女兒Vincy與Edison拍拖，他說：「個女咁大個啦，有自己嘅自主權。」當他得悉Edison首次公開承認Vincy是其女友時就說：「係咩？幾時認㗎？」又謂不擔心女兒秘密結婚，還說：「呢啲好閒啫。」
唔介意Edison花弗
對於有指Edison為人花弗，楊超成表示：「𠵱家啲年輕人個個都係咁㗎啦！」談到對對方的印象，他就謂：「幾好，幾靚仔呀。」續問到可曾欣賞Edison的電影或歌曲，楊超成說：「前幾日喺電視睇《無間道》算唔算？」
此外，同場的傅明憲表示下月19日是她與丈夫葉劍波結婚七周年紀念，葉劍波近日行蹤成疑，不過她早前已答應於當日出席一步行籌款活動，問她可是為了善事而犧牲慶祝活動？傅明憲笑說：「咁又唔係犧牲，我都未計劃同老公點慶祝，不過做慈善嘢佢唔會嬲嘅。」
採訪：駱華齡 攝影：陳偉權、陳志嵐
