呢個周末我勸大家夜晚咪約人出街，留喺屋企睇德甲、英超同西甲連場大戰。今晚先嚟雲達對拜仁、聽晚連上曼聯大戰利物浦同皇馬火併巴塞。睇完後，後朝唔愁同同事朋友冇話題啦！
睇波還睇波，贏埋波當然就笑呵呵！講番心水，我反而推介德甲「升班馬」大戰，由亞琛主場對科特布斯。今屆3支德甲新丁當中，亞琛同科特布斯都算交到功課。以亞琛為例，近6場只係輸過畀拜仁1:2，其餘5場全捷，攻守能力平均，狀態亦唔錯。
科特布斯都唔差，除首場聯賽外，每場波都有入球；然而若論整體實力同演出穩定性，就要選亞琛。皆因主隊入球分布平均，加上前鋒舒拿達夫近況甚「弗」，整體行軍迅速，打穩守突擊頗有把握。相反，科特布斯防守尚待改善，從近兩場失6球可見，對住攻力唔算銳利嘅比勒費爾德、漢堡以及慕遜加柏，都要失兩球或以上，相信亞琛主場應可順利贏出。
博里昂開12連勝
未知周中歐冠盃會影響幾多支強隊，我就認為里昂唔會受影響嘞！周中佢哋輕取基輔，加埋11連勝氣勢，今場喺法甲要作客過去8季縱擁主場之利都唔可以勝出嘅馬賽，平手盤一於唔怕捧，博里昂開12連勝啦！
強尼
有線球彩台主持
電郵：[email protected]
PHONE波熱線：1831678