天水圍公園人工湖突然出現大批死魚，原因未明。本報昨日將池水，交給香港水族廣場作簡單檢驗，初步發現池水內的亞摩尼亞及硝酸鹽含量等物質，並無異常情況，懷疑大批魚類死亡，可能與池水滋生細菌有關。
或水泵損壞影響
香港水族廣場工程經理連先生表示，導致大批魚類死亡的原因眾多，包括水源受污染、魚類中毒、水中含有大量對魚類有害的細菌，以及缺氧等等：「但我諗咁大個湖，缺氧可能性低啲；係咪中毒定係有細菌，要化驗下死魚嘅肝臟先知；不過如果個池嘅泵房曾經壞過，池水積存細菌影響啲魚都唔奇。」
他解釋，泵房作用主要是令池水流動，及調高水中的含氧量，而部份水池會設有過濾系統，令池水較潔淨，「泵房壞咗一段時間，有可能會滋生細菌，如果整好個泵房，但冇清理好過濾系統就泵番，啲菌就會四圍噴，啲魚就有可能因為咁受影響。」