日前有報道話李克勤（右）會喺下個月同盧淑儀拉埋天窗，有指暫時知道克勤正確結婚日期嘅人不出10個，就連伴郎劉德華（左）都唔知道。噚日華仔接受商台電話訪問時講笑咁話佢呢啲巨星好忙，叫克勤盡快講個好日子畀佢知，若太遲通知分分鐘就唔到時間。年底各大樂壇頒獎禮臨近，問華仔想唔想攞最受歡迎男歌手獎？佢話：「呢啲係就係㗎啦。」