《蘋果日報》頭條報道消委會最新測試，指薯片含可能致癌化學物，仲愈薄愈脆愈危險㖭，嚇得網友藍梅咖啡即刻發Post喊晒口話：「𠵱家好似都無咩嘢係唔生癌的……嗚嗚。」不過一眾網友都無驚過，windart話：「該死唔使病，要生癌都唔係一兩包可以發生嘅事，如果要食到生癌，可能我已經肥死咗。」Buscomcamp仲好風趣押晒韻咁表達意見：「唔驚得咁多…總之…少食多滋味，多吃見死期。就算唔見死期…都會現腩肥…」有道理喎，人一世物一世，鍾意食咪食囉！講講吓，網友仲鬧埋消委會㖭，boss鬧：「我唔信佢乜都唔食，好多食物近年都有某種壞物質，叫佢食香啦！」咁又唔好咁話消委會，你唔怕死啫，消委會有責任提醒市民㗎。
記者：黃若茵
http://www.gaforum.org/showthread.php?t=148149