何韻詩早前成為時尚雜誌《Zip》封面女郎，她穿上意國名牌Tod's配飾及新裝拍照。入行剛好10年的她剖白當中轉變，包括歌路、性格及待人處世，她說：「最大分別係工作模式唔同咗。剛入行時比較自我、內斂，當時覺得自己只係想唱歌，就乜嘢都唔使理。」
阿詩續說：「隨着年紀大，差唔多30歲，經歷令自己睇法改變。我開始感覺到要大聲宣揚我嘅理念，要令其他人知道自己做緊啲乜嘢。」
工作尋開心
現階段阿詩強調追求的不是名與利，反而希望有自己的位置，做開心的事。正如選擇今年才開演唱會，她說：「紅館演唱會有一個絕對神聖嘅位置，我小時候係要好似梅姐、哥哥張國榮等真正巨星先可以喺紅館開個唱，𠵱家容易咗，重視程度大大降低，我希望以小時候自己睇過嘅標準去做一個真正嘅紅館演唱會。」
撰文：DebbieLum