菠蘿文：噚日行電腦商場，買咗新出嗰隻FM2007，曼聯真係可以同安特衞普合作，玩大球會一定無衰！
侍仔：打機都可以以弱勝強，但現實生活又有幾多隊可以？大會拎埋其他細會做兵工廠，無錢嘅就入唔到好貨。
老樸虛火係時候熄
招積域：「阿布」都話錢重要過女人，侍仔你有女友，梗係話有錢佬唔啱。我就話用錢買嘅球隊先好睇，個個都咁勁！
菠蘿文：又唔係喎！錫菲聯呢啲細球會都學人搞合作，同中甲嗰隊成都五牛組聯盟，有錢先可以搞聯盟係錯嘅！
侍仔：我收工同你哋返屋企慢慢玩，今晚重心場次，要車路士贏1球僅熟，老樸季初虛火應該差唔多時候熄。
招積域：咁我畀隊阿士東維拉大家玩啦！8場未輸過，主場同富咸打個和局，啱數未？咁嘅狀態，去到季尾可以踢歐協盃啦！奧尼爾萬歲！
希拉里奧唔係紙紮
菠蘿文：維拉領隊奧尼爾真係勁，佢帶唔同球隊都可以同摩連奴打成平手！喂，乜侍仔你唔驚車仔個後備龍門發波瘟咩？
侍仔：車仔3個龍門都有料到，03至04球季車仔都曾經鬧門將荒，有個貌似雷宇揚嘅3號門將岩布斯奧表現都不俗㗎！歐冠盃見希拉里奧都唔係紙紮，1:0戰果都定過抬油！
林伯：「雷宇揚」返咗意大利踢低組別聯賽啦！既然佢當年都有料到，同係臨危受命嘅前波圖門將希拉里奧都可以，車仔穩勝。
高洛文