車人合一：德國測試BMWX3膽大衝得起！

今次到德國慕尼黑測試新款BMWX3，廠方特別在一個名為FrOttmanningerHeide的地方，Set晒各種不同嘅越野路段，等我哋感受一下新車嘅過人之處。由於新車內膽有大改進，例如改換馬力增多41匹嘅3.0公升直6引擎，輔以能因應不同路面情況，而將動力分配至各車輪嘅xDrive系統，OffRoad表現比舊有型號出色，連衝水氹都全無問題！
記者、攝影：鄭達基

瘋狂OffRoadSnapShot

■衝過水氹一刻水花四濺，正好展示新款BMWX3嘅實力。

■玩OffRoad玩到3個轆行車，俾我就好驚啦！

■出發前，3位導師先跟新款X3嚟一張大合照。

■一眾行家踎喺度等咩？咪就係等新款X3衝落水氹嗰一剎那影番張靚相囉！

新引擎馬力加多41匹，配埋xDrive系統，上山落水都OK。

如果喺OffRoad場地，突然出現一位揸住部新款BMWX3嘅女孩子的話，全場定必起哄，這可能因為佢係靚女之外，仲可能會有人大嗌：「女仔人家揸部Jeep嚟玩，得唔得㗎？」嗱，其他車我就唔敢講，但新款BMWX3呢？我諗就無問題啦！第一，部車嘅Size唔算大，坐喺車入面睇位都好容易。第二，新車用嘅係全新3.0公升直6引擎，比原來嗰台輕好多，同時因為加入咗BMW獨有嘅Valvetronic技術，單係馬力及扭力輸出都已經多咗41hp同埋15Nm，分別達272hp/6,650rpm及315Nm/2,750rpm，起步加速反應爽好多。
不過，最能夠令女仔變做OffRoad能手，絕對唔可以少咗套6前速Steptronic半自動波箱，同埋xDrive全時間4輪驅動系統嗰份。前者經改良後，轉檔時間比傳統自動波箱快50%，令行車表現更順滑；至於xDrive全時間4輪驅動系統，電腦會按不同路面而作出前後車輪動力分布嘅調校，同時又會透過監控車輪轉速、軚盤轉向角度等等嚟瞬間改變前後車軸嘅動力分布。另外，喺多套電子系統如DSC、ASC同埋HDC等等嘅幫助下，就算女仔揸住佢上山落斜攀山涉水都NoProblem！

■尾燈不但換上新設計，更同時用上LED作配搭，晚間行車變得更安全。

■傳統中控台設計設備齊全，但頂端嘅導航系統，到港版本將會被剔除。

■前排皮椅承托力足兼好坐，最緊要係有電控調校方便大家。

外觀車廂皆小改，但睇落都好有自己Style，襯晒！

咩話？女士們又話驚部X3個Look好薯？嘻，呢個擔心真係多餘；無錯，新款X3的確同舊款嘅差唔多，但有以4盞圓形頭燈及2盞霧燈組成嘅「6眼」車頭設計、新款嘅雙層頭尾泵把、換成LED嘅尾燈組合等等，乜個Look仲會薯咩？車廂方面都好齊料，甚麼真皮電控座椅、音響同恒溫冷氣全部有齊，而3幅式真皮軚環係新Design，襯落去都咪話唔正。

■跟舊型號相近嘅車廂鋪排，最大改動就係換上新款3幅式軚環。

■尾廂容量本來已經唔細，想再多一點大可把後排椅背放低。

■雙層設計嘅頭泵把，在旁邊作配襯的正是廠方最新「6眼」設計。

BMWX33.0siA規格

引擎：2,996c.c.直6DOHC
馬力：272hp/6,650rpm
扭力：315Nm/2,750rpm
傳動：6前速Steptronic半自動波
售價：$528,000
查詢：BMWHK（27145271）