台慶愈近，是非愈多，「最佳女主角」之爭，兩大熱門佘詩曼、胡杏兒被捲入這個是非圈，日日成為封面人物，《肥田囍事》台前幕後高呼力撐杏兒，但杏兒為了避免過份高調，竟然不敢接受。
台慶劇《肥田囍事》一班演員昨日到奧海城為「無綫39周年台慶大型巡迴展覽」揭幕，胡杏兒、許志安、胡諾言、李詩韻、高鈞賢、姚嘉妮、馬國明等在台上公開力撐《肥》可望成為最佳劇集，另外有不少演員，如安仔等都力撐杏兒可勇奪最佳女主角，不過杏兒並未敢欣然接受同事的祝福。
「不是敵人」
司儀在台上問杏兒，最想得到的獎項時，胡杏兒說：「我都希望呢套劇可以攞獎。」當大家再靜候胡杏兒講有關「最佳女主角」獎時，她竟然不知如何是好，她說：「咁唔係點啫！」似乎她是有意迴避問題，不想高調跟阿佘對抗。
胡杏兒被問到有報道指佘詩曼出陰招，她即刻搖頭歎息說：「黐線啦！報道係咁，每年都有爭獎風波，不過今次有我份，做咁耐知遊戲規則，我同阿佘唔係好熟，不過唔會有心病，唔係勁敵，因為唔係敵人，只係競爭對手。」
想有條虛線
報道指胡杏兒早跟高層「傾掂數」，她說：「邊會有，公司叫做乜嘢就做乜嘢，我何德何能，唔會囉！都係趁後生博，做多啲嘢。」
另外，有指馬國明翻啅曾華倩，馬國明說：「唔好用『翻啅』咁嘅字眼，都冇拍過拖，點樣舊情復熾？同佢一齊拍劇，都係佢打畀我，問我怕不怕俾人寫，我怕乜，咁熟！一齊拍劇仲好玩，最衰唔係同一條線，唔會撞到，我都同監製講，畀條虛線都好。」
採訪：楊潔雯
攝影：陳順禎
