美國《華爾街日報》調查發現，隨着人口老化，加上戰後「嬰兒潮」期間出生嘅人漸屆退休年齡，多達38%美國人關注退休後生活問題，其次是醫療保健（24%）、債務（16%）和教育（12%）；住屋問題反而排最尾，只有10%人表示憂心（見圖表）。
網友jebpgh喺《華爾街日報》嘅網站上訴說：「我擔心同老婆退休後，長年累月唔知要花幾多醫療保健開支，同埋其他日常生活嘅支出，條數好襟計！」
教育費似天文數字
醫療開支令人好頭痛，可以隨時嚟，事先好難預計，譬如一個唔好彩俾車撞倒，或者食咗染有大腸桿菌嘅菠菜沙律，都要花一筆醫療費。部份醫療費──尤其是關於慢性疾病嘅醫藥費，都唔知有冇醫療保險賠償，因為保險公司會諸多藉口唔肯賠錢。」
至於網友philmelville較擔心未能應付龐大的教育費，佢話：「我有四個唔夠10歲嘅細路，以現時美國嘅教育支出每年升6%至7%計算，我啲細路將來讀大學嘅學費肯定似天文數字。」
另網民hedwig說：「布殊政府忽略和破壞美國嘅教育制度，令當地教育比其他國家落後。至於美國𠵱家啲樓好貴，但呢個問題同我無關，不過，將來愈嚟愈多美國人慨歎無力買樓嘅時候，我或會感受到買唔到樓嘅苦況。」