與楊受成姪女撻着3個月<br>花弗陳冠希首認戀情

與楊受成姪女撻着3個月
花弗陳冠希首認戀情

超級𠝹女王陳冠希(Edison)與楊受成姪女Vincy近日打得火熱,日前本報獨家拍下二人在美國洛杉磯街頭激咀,想不到入行六年來緋聞成籮但一直拒認戀事的Edison忽然轉死性,昨日出席公開活動時破天荒直認拍拖,肯定Vincy的正印女友地位,相信必定令曾與他拍拖三年也不獲承認的舊愛陳文媛(BoBo)酸溜溜。

本報日前獨家踢爆陳冠希在美國洛杉磯出席其首齣荷李活電影《TheGrudge2》(《不死咒怨2》)首映禮期間,獲拍拖三個月的商人楊受成姪女、東華三院前主席楊超成的18歲女兒Vincy秘密相伴,共度他的26歲生日,二人大方到名店區拍拖,情到濃時更當街激咀,恍如一對接吻魚。

春風滿面
談女友笑不攏嘴

被封為𠝹女王的Edison向來緋聞多多,當中與陳文媛一段發展三年的地下情最廣為人知,二人雖然多次被拍得出雙入對,但Edison始終否認戀情。不過Vincy的魔力卻對Edison發揮奇妙作用。
美國HipHop界巨星KanyeWest下月28日會在西九龍HKOutdoorDrive-In舉行一場演唱會,Edison會擔任表演嘉賓。Edison昨日在灣仔君悅酒店出席個唱記者會時,竟史無前例地首度直認戀情,接受訪問時更全程春風滿面,笑不攏嘴。(陳:陳冠希 記:記者)
記:美國之行係唔係好sweet?
陳:幾sweet,幾開心,我知俾人影到,但係冇所謂,我喺香港都有同佢(Vincy)出街。
記:你同Vincy係唔係拍拖?
陳(甜笑):都拍咗一段時間。
記:但你家姐陳見飛話唔知你拍拖。
陳:佢話唔知,你就要問番佢,佢都係想尊重我嘅答法。
記:你哋係唔係見家長?
陳:坦白講,係唔關你事,我已經認咗係女朋友,唔使講埋幾點瞓覺、食乜早餐,呢啲係私人嘢。
記:今次係你第一次認拍拖喎?
陳(甜到漏):認係因為穩定,坦白講我之前係有拍拖,但係因為之前唔知道會唔會拍一、兩個月就冇,唔知道係唔係真係囉,但係呢個係好有機會longterm啲,所以先夠膽出嚟講,哈哈哈。

記:你欣賞佢啲乜?
陳:鍾意就鍾意,係咁簡單,愛情唔需要解釋,大家啱feel,一齊開心就得。
記:你同佢點識?
陳(害羞):做緊嘢時識,好奇怪㗎,係離開英皇後先識。點解你哋唔問我喺美國首映啲嘢,好開心㗎。
記:你女朋友有冇陪你睇首映?
陳:佢同我一齊睇首映,佢覺得好驚,驚戲最重要梗係驚啦。
記:咁你有冇即刻保護佢?
陳:有,佢坐喺我隔籬。

街頭失控
爆粗唔扣安全帶

其實Edison過去與陳文媛拍拖可謂公開的秘密,與混血女模MaggieQ的關係更拉扯達五年,但他一直矢口否認戀情,不知BoBo和MaggieQ得悉Edison今次轉死性,又會否覺得吃不到的葡萄是酸的?
不過,昨日甜蜜承認戀情的Edison,前晚11時多獨自離開其中環band房時,被本報記者問到是否蜜運一事,他竟發狂爆粗說:「關你×事呀!你哋做埋啲×嘢!」記者指他與Vincy在美國拍拖時表現甜蜜,他更連環爆粗發茅說:「點解有咁多人做嘅嘢你唔做,要做埋啲×嘢!×人做×嘢!」其後他登上違例泊在街邊的平治戰車,未有扣上安全帶即踩油絕塵而去。
採訪:駱華齡
攝影:仇志德、娛樂突發組

陳冠希日前被本報拍得與女友Vincy在洛杉磯拍拖遊名店區,二人更當街激咀纏綿,十分甜蜜。
資料圖片

陳冠希日前被本報拍得與女友Vincy在洛杉磯拍拖遊名店區,二人更當街激咀纏綿,十分甜蜜。
資料圖片

陳冠希獲邀擔任HipHop界巨星KanyeWest的香港演唱會表演嘉賓,認真有面子。