亞視前女優李綺雯（𡃁妹）近日被爆介入霍啓剛與郭晶晶的戀情，她表示現階段只談工作，感情事隨緣。前日22歲生日的𡃁妹早前抽空到廸士尼樂園耍樂慶祝，獲米奇和米妮把她當三文治夾着熱情擁抱，興奮得唞不過氣。
李綺雯過檔無綫後，立即與林曉峰主持遊戲節目《遊戲天王》，她前日22歲生日，由於她與爸爸同一日生日，所以當天一家人出外吃飯慶祝。
掃千元精品
𡃁妹上周已開始生日慶祝活動，她相約友人到香港廸士尼樂園，她說：「其實樂園開咗成年，我一直唔得閒去玩，咁啱朋友約我咪去囉，雖然裏面唔大，但都好好玩，我呢次入去主攻同啲卡通人物影相同購物，花咗成千蚊買嘢，買得好暢快。」
當遇到換上萬聖節服飾的米奇和米妮時，𡃁妹即興奮上前要求合照，並與米奇和米妮熱情擁抱，她說：「佢哋兩個夾到我實一實，真係差啲唞唔到氣。」
感情事隨緣
問到𡃁妹的生日願望？她說：「希望身體健康，同埋事業順利，感情嘅嘢隨緣得㗎啦！」𡃁妹與爹哋同日生日，那22年前李媽媽誕下𡃁妹不正是給李爸爸的最大份生日禮物？𡃁妹說：「咁又唔知喎，希望係啦！我冇聽阿爸講過喎。」每年兩父女生日都一定全家慶祝，她開玩笑說：「唔知呢個秘密嘅人仲以為我好孝順，正日生日都唔出去玩，留番同屋企人慶祝！自從做嘢搵錢以嚟，我都會主動喺生日嗰日請阿爸食飯。」
採訪：比華利
