黃貫中前晚於紅館舉行一場演唱會，他大玩新意，以多首慢歌掀起演唱會序幕，其後才唱出一連串搖滾快歌，並於台上講了一句英文粗口，歌迷在完騷後不願離去，紅館足足發出三次廣播呼籲他們離場。
黃貫中（阿Paul）前晚於紅館舉行一場「黃貫中香港演唱會2006––狂人習作之音樂篇」演唱會，陳子聰、何超儀、尹子維及錢小豪夫婦及一眾商台DJ到場欣賞，阿Paul女友朱茵更全程在控制台上欣賞男友演出。
演唱會以三面鑽石台設計，阿Paul和樂隊上台時穿上筆挺西裝，一改搖滾形象，以多首慢歌揭開演唱會序幕。其後台上播出軟硬天師的錄影片段，他們以高山青龍樂隊姿態出現，手執結他及戴上假髮扮Rock友，阿葛在fing頭時更fing甩假髮。
Soler感謝支持
問到軟硬有否聽過阿Paul的歌？阿葛說：「阿Paul聽過啦，麻麻哋，佢識填詞、作曲、編曲做監製，但佢唔識跳舞、唔識講嘢，啲歌又唔夠K。」二人之後立即唱出古巨基的《愛得太遲》，暗指該曲是一首K歌。阿Paul之後隨即唱出多首搖滾新歌，其間更說了一句「Youaref××kingshit」的英文粗口。
演唱會另一嘉賓是男子組合Soler，Julio表示當年曾背着一支木結他前往見工，及後就加入了黃貫中的樂隊「汗」，還成為阿Paul的好友，並說：「好多人話要成功，一定係好辛苦，最緊要係機會，我哋嘅機會係阿Paul畀，好多謝佢支持我哋。」
到了安哥時間，全場觀眾狂叫「Paul」，阿Paul再出場時說：「早就要咁啦！係要人走先咁，餐餐都係咁！」他之後還唱了一首《命運是你家》，他說：「送畀我嘅好朋友。」暗指是送給亡友黃家駒。
朱茵陪伴慶功
演唱會在晚上11時完騷，但有部份觀眾仍不肯離場，紅館方面要發出三次廣播呼籲，擾攘一會兒後，觀眾才願離去。演唱會後，阿Paul移師往酒店舉行慶功宴，女友朱茵也有同行，提到在台上講粗口，阿Paul說：「係事前錄咗，播唔播係由電腦控制員決定。」
採訪：馬建華 攝影：陳俊強
