商台DJ芝See菇Bi（原名卓韻芝）日前凌晨時分飲酒送服安眠藥自殺。有指因為她與男友的感情出現問題，加上掛念亡母而做出儍事。吳君如昨日透露阿芝自殺前的中午，曾與對方閒談，阿芝還約她食飯，當時她並沒有異樣。
日前芝See菇Bi在其九龍城寓所寫下遺書後，以酒送安眠藥自殺，幸好其任職金融界的29歲陳姓男友將她送院，據知阿芝現已返家休息。吳君如、林海峰和鄒凱光昨日到有線出席節目《超級大細路》記者會時，君如透露阿芝出事前的中午，她們曾在電台碰面，她說：「當時我真係唔覺阿芝有任何異樣，佢嗰時仲話有本關於BB嘅書送畀我，又話搵日約我食飯，所以我知道呢個消息後好愕然。」
「不要鑽牛角尖」
君如透露傳了短訊問候阿芝，並寄語對方要信任朋友，她說：「我唔知阿芝係咪好似報道所寫，話佢有病啦，總之有病就要睇醫生，不過最重要學識信人，當你有乜嘢唔開心就捉住朋友傾，我一唔開心都會喊出嚟發洩。」
君如又自爆當年與初戀情人分手，雖然很不開心，但覺得人生充滿歡樂，故凡事不要鑽牛角尖，她說：「我希望長命百歲呀，做人咁好玩點解要咁儍，人生有開心有唔開心，咁當然要包容晒所有唔開心嘅事，啲衰嘢都要照啃埋佢。」
阿Jan則表示讀報後才知阿芝自殺，他說：「阿芝細細個時，我已經睇住佢入行，作為同事兼朋友，我睇到消息都好意外，不過外人唔方便畀意見，我又唔係社工，又冇呢方面嘅經驗。」
問阿Jan有否察覺阿芝有抑鬱症傾向？他說：「人人都有情緒㗎啦，我相信好快可以見到佢。」談到有指阿芝因感情困擾而自殺，鄒凱光就認為戀人一定有拗撬，最重要看得開，他又謂也曾閃過自殺念頭。
林海峰有力添丁
此外，表示計劃生第二胎的君如昨日送上金菠蘿給林海峰，希望他響應特首呼籲再生育。問林海峰有否打算添男丁？他一臉認真地說：「我太太（彭羚）絕對有咁嘅條件，我亦有咁嘅能力，但係暫時冇咁嘅諗法，呢個問題阿媽問我，我都唔識答。」
採訪、攝影：李珮洳
