職業司機日日夜夜在路上奔馳，耳聞目睹的「邪嘢」似乎特別多，eugenechan615在香港討論區稱，聽說上水新田公路有怪事發生，凌晨時分會有紙紮車在公路行駛，「我聽啲揸車人士講，好得人驚！」
eugenechan615言之鑿鑿地說，該紙紮車通常在凌晨三、四時出沒，更說有朋友曾親眼目擊該紙紮車在馬路上穿過另一架車，該車隨即「炒車」，「所以唔好唔信邪呀！」rodman1984也說曾聽朋友提及，「我就未見過，不過好想見吓。」
有人認為是路祭品
公路上的靈異事件講到繪影繪聲，吹沙V說，「嗰條路我差唔多日日行，都係凌晨兩點至四點呢段時間喎，唔好嚇人啦。」mikeone1997力排眾議，「呢個傳聞我都聽過，不過好似有人解釋咗啦，好似係路祭燒紙車。」他更說自己藝高人膽大，「畀着我見到佢喺我前面，我真係會衝上去睇下囉，雖然話可能係鬼，不過人一世物一世，一定要見吓，不過如果係佢追住我嘅話，我一定踩盡油走人。」有網友稱不少司機也說駛經新田公路時，都有一種昏昏欲睡的感覺，懷疑與該路段曾發生多宗奪命車禍有關。