入行接近四年的楊愛瑾（Miki）已鎖定未來路向，改以拍攝電影為主。在新片《黑拳》中，她一展身手用腳踢退賊人，又謂有興趣做打女，因為可以擴闊戲路，實行打出我天地。
楊愛瑾脫離Cookies獨立發展，選擇拍電影為主，唱歌為次，又謂已經向經理人黃柏高反映，希望他盡量安排有關工作。
以曼玉為目標
Miki近日與內地演員吳京合作拍攝電影《黑拳》，扮演工於心計的女孩，又利用與吳京的情侶關係，安排他打黑巿拳賽。Miki在片中更一展身手，踢腳擊退賊人，問她有否興趣做打女？她日前說：「我都有興趣㗎，因為多一種戲路，都唔錯嘅。我希望下次再同吳京拍打戲時，可以打贏佢。」
芸芸電影女星中，Miki最欣賞張曼玉，她說：「記得佢出道拍電視劇《新紮師兄》時好有少女feel，但隨住閱歷多咗，已經脫胎換骨，愈來愈有味道。」
Miki也希望拍攝劇集，吸納不同層面的fans，她說：「我只係試過喺《爭分奪秒》飾演方中信個女，佢好有魅力，現實生活有個咁嘅爹哋，我都會好自豪。」若果再有機會參演電視劇，Miki渴望扮演甚麼角色？她說：「我想試吓扮演巴喳妹或者辣妹，同自己性格完全唔同嘅角色。」提到想跟哪一位小生合作，Miki說：「吳卓羲同黃宗澤嘅年齡同外形同我都襯，另外陳豪個樣雖然大個咗少少，但劇情需要都可以嘅。」
學習表達自己
黃柏高早前接受訪問時大讚Miki是Cookies成員中最靚女，但不擅於表達自己，未夠主動，Miki對此說：「我都知呢方面弱啲，我會試吓多啲同經理人溝通。」
採訪：比華利 攝影：陳偉權
髮型：VincePangofIIColpo
化妝：DeborahVaughan
服裝：SistyrMoon場地：CafedesArtiste
