麥當娜（Madonna）喺馬拉維領養嘅David，雖然已經喺倫敦同娜姐團聚，但呢件事依然餘波未了，日前當地嘅人權組織明言會抗爭到底，直至將David帶返馬拉維為止，但David嘅生父就力撐娜姐，炮轟呢啲人權組織話：「我個仔𠵱家有更好嘅生活，點解要將佢帶返孤兒院至安樂？當我個仔仲喺孤兒院捱緊嘅時候，呢啲人喺邊?」