上期提到大賽日好睇唔好賭，碰巧今輪歐洲各地聯賽幾乎全上演最強對最強，究竟怎樣對待這類賽事，想在今天談一談。
強撼強，各有捧場客，故無論任何彩池注碼必定拉散，莊家每每可安心成功對沖兩選或者3邊注碼（主客和計），賺取利潤；波友若博半全場、首球及總入球等彩池，注碼分布必然更廣，當然風險換來回報，但你想有較大贏面或只為睇波而賭波，球迷自行判斷。
不少強隊還未從世界盃後遺症中恢復過來，你也不能期望朗拿甸奴由世界盃後，全季都有出色表現；同樣香港兩大馬房，蔡及摩廐成績低落，但情況不會長久，馬迷只需捉緊兩廐大攻勢來臨，好過你亂買一通，或者快活谷齋買１檔馬咁冇癮。（禮拜三晚1檔馬只得2勝3位，8場熱門馬全部買晒WP，利潤僅約10％）。
車仔年底前可長追
翻查英超4大強隊盤路，自開季至今表現不理想，全部在亞洲盤贏盤率不多於5成；當中以利記最差，2勝6負，強如車仔亦不足5成；這是拜莊家季初開盤辣手，但球迷依然熱情捧場所致；但當中車仔每每在表現一般下贏波，最值在年底前長追，捧其贏盤率扳回7成以上。
強隊互撼，球迷自然睇得開懷，但估波難度大；之前我曾經講過「歐冠盃相反理論」，今周鎖定周中輸波嘅阿仙奴及巴塞，尤其巴塞隆拿喺嚟緊周日作客皇馬，贏波好分咯。文：蘋果波神