唐寧（左）最近應商台邀請擔任節目《有誰共鳴》嘅嘉賓主持，大家都知道佢係童星出身，原來佢入行嗰陣只得8歲，提到咁耐以嚟有乜難忘嘅場面，唐寧就話：「當年我同Beyond四子拍《Beyond日記》，有一場戲講我同扮演哥哥嘅黃家駒分離，我就攬住佢係咁喊。」唐寧仲話因為自細喺水銀燈下長大，知道賺錢唔易，所以從來都唔會亂使錢。