梁朝偉最近成為澳門星際酒店代言人，該酒店前日和昨日一連兩天在全港多份報章刊登頭版全版廣告，宣傳攻勢強勁，但照片引來劣評，偉仔舊愛曾華倩前晚在電台節目彈照片似油畫，其拍檔鄒凱光更直指「大吉利是」，不過當事人則表示效果可以接受。澳門直擊
梁朝偉昨晚到澳門為星際酒店擔任開幕嘉賓，該酒店前日起一連兩天在多份報章刊登頭版全版廣告，十分大手筆。據知該酒店最初屬意周潤發任代言人，但發哥卻嫌酒店有賭場，與自己形象不合而推辭，有關方面即以過千萬酬金打動偉仔，而郭羨妮、李珊珊、廖碧兒和名模陳嘉容等都有出席昨晚的開幕禮。
自覺照片OK
連日在報章上刊登的廣告照片，雖有點像電影《花樣年華》中的造型，可是照片的效果欠佳，惹來批評。偉仔昨晚以筆挺西裝亮相，問他可有看過其全版廣告，以及覺得效果如何時，他說：「我有睇過，張相好大，OK啦！」至於酬金可是傳聞中過千萬，偉仔則笑笑口說：「酬金嘅嘢唔好講，呢次係我第一次幫酒店做中港澳代言人，為期一年。」
偉仔又表示對澳門印象很好，他說：「每次嚟都發覺佢改變好多，有賽車又有賭場，好似東方蒙地卡羅，係周六同周日度假好地方。」不過偉仔昨日卻沒有落場賭錢。
「執得勁得滯啦」
不過偉仔舊愛曾華倩看過偉仔的廣告相則嚇了一跳，她前晚在商台節目《她他她打到嚟》取笑那廣告相似油畫，她說：「我頭先返嚟睇到，成張擺喺枱面，底面都係，我都嚇一嚇，佢執得太油畫，真係好大頭，執得勁得滯啦！」另一主持鄒凱光更說：「呢幅相我睇一睇仲以為……首先第一個感覺真係嚇一嚇，幅相真係幾大吉利是，好似啲大吉利是相咁。」
採訪、攝影：林德雄
